“Şəxsi heyət arasında itkilərin artması səbəbindən Ukrayna daha çox əsgəri səfərbər etməlidir”.
Azpost.info xəbər verir ki, bu barədə Almaniyanın Ukraynaya yardımın əlaqələndirilməsi üzrə işçi qrupunun rəhbəri, general-mayor Kristian Freydinq bildirib.
“Ukrayna itkilərin sayına görə əlbəttə ki, daha çox əsgəri səfərbər etməli olacaq” – general deyib.
O, döyüş təmas xəttində yerləşən Ukrayna hərbi hissələrinin əksəriyyətinin bərpa olunmasına ehtiyac olduğunu qeyd edib.
Freydinqin sözlərinə görə, hazırda Kiyevdə səfərbərliyin miqyası fəal şəkildə müzakirə olunur: “Ölkədə mövcud demoqrafik vəziyyət müəyyən rol oynayır. Bundan başqa, Ukrayna hökumətinin qərarına iqtisadi faktorlar, eləcə də hərbi imkanlar təsir edə bilər. Öz növbəsində, Qərb ölkələrinin hakimiyyət orqanları üçün əsas məsələ sursat təchizatının təşkilidir”.
Azpost.info
