Almaniyada islama qarşı olan siyasətçini mitinqdə bıçaqladılar –VİDEO

Almaniyanın Mannheim şəhərində naməlum şəxs mühafizəkar siyasətçi Mixael Ştürzenberqerə bıçaqla hücum edib.

Azpost.info Bild-ə istinadən bildirir ki, Almaniya polisinin verdiyi məlumata görə, hücum təxminən saat 11:35-də Ştürzenberqerin “Pax Europa” hərəkatının təşkil etdiyi mitinqdə çıxışı zamanı baş verib.

Həmin şəxs siyasətçiyə bıçaqla hücum edib. Bundan sonra onu saxlamağa çalışan yoldan keçənlərin əlindən qaçıb, polislərdən birini isə kürəyindən yaralayıb. Nəticədə hüquq-mühafizə orqanlarının əməkdaşları hücum edəni dayandırmaq üçün odlu silahdan istifadə ediblər.

Stürzenberger İslamın tənqidçisidir. O, Almaniyada Münhendə məscid tikintisinə qarşı petisiyaya imza toplamaqla şöhrət qazanıb. O, həmçinin iki dəfə – polis əməkdaşını təhqir etdiyinə və dini nifrət təbliğinə görə məhkum edilib.

 

Əvvəlki məqalə

Qazaxıstan neftinin Azərbaycandan tranziti müzakirə olunub

Sonrakı məqalə

İsmayıllıda qəfildən halı pisləşən icra nümayəndəsi ölüb