“Hazırkı inkişaf tempi davam edərsə, Rusiyanın dünyanın dördüncü iqtisadiyyatı olmaq üçün bütün şansları var”.
Azpost.info xəbər verir ki, bunu Rusiya prezidenti Vladimir Putin deyib.
Onun sözlərinə görə, ölkə iqtisadiyyatı inkişaf edir və bu, müxtəlif beynəlxalq təşkilatlar tərəfindən qeydə alınan faktdır.
Putinin fikrincə, Rusiyanın yaxın gələcəkdə Yaponiyanı ötməsi mümkündür: “İqtisadiyyat artır. Bu, bizim yox, beynəlxalq iqtisadi və maliyyə təşkilatlarının qeydə aldığı faktdır. Hər şey bugünkü templə inkişaf edərsə, o zaman bizim Yaponiyanın yerini tutmaq və dünyada və yaxın gələcəkdə dördüncü iqtisadiyyat olmaq üçün hər cür şansımız var”.
Prezident əlavə edib ki, alıcılıq qabiliyyəti paritetinə görə Rusiya Almaniyanı ötüb və beşinci yeri tutub: “Yaponiyanı qabaqlamaq üçün adambaşına düşən ÜDM-i artırmağa çalışmaq, həmçinin strukturu dəyişdirərək onu daha səmərəli, müasir və innovativ hala gətirmək lazımdır”.
Azpost.info
