AŞPA-nın prezidenti:“Azərbaycanın sıralamıza qoşulması vacib dönüş nöqtəsi olub”

“Azərbaycanın və digər qonşu dövlətlərin Avropa Şurasına qoşulması Avropada böyük cəmiyyətin formalaşması prosesində vacib dönüş nöqtəsi olub”.

APA-nın xəbərinə görə, bunu Avropa Şurası Parlament Assambleyasının (AŞPA) prezidenti Lilian Mauri Paskiebu Fransa-Azərbaycan Universitetində keçirilən “Hüquqlarımız, azadlıqlarımız və Avropamız” adlı Avropa Şurasının 70-ci ildönümünə həsr olunan tədbirdə çıxışı zamanı deyib.

Təşkilatın yaranma səbəblərinə və nailiyyətlərinə toxunan prezident bildirib ki, Avropa Şurası üzv ölkələrdə insan hüquqları, demokratiya, qanunun aliliyin təmin olunması üçün çalışıb.

O qeyd edib ki, AŞPA həmçinin xalqlar arasında daha yaxşı anlaşmanın və vəhdətin yaradılması istiqamətində vacib addımlar atıb.

Avropa İnsan Haqları Məhkəməsinin roluna toxunan AŞPA prezidenti onun Avropada qızıl standart olduğunu Lissabondan Vladivostoka qədər bütün üzv ölkələrin vətəndaşlarının haqlarını qorumaq və müdafiə etmək istiqamətində ciddi işlər gördüyünü vurğulayıb.

O, Avropa Şurasına üzv ölkələrin qurumun qəbul olunan konvensiyasına, ümumi öhdəliyə əməl etmələrinin vacibliyini də qeyd edib.

Üzv ölkələrlə siyasi dialoqun vacib olduğunu qeyd edən AŞPA prezidenti mövcud problemlərlə bağlı açıq müzakirələrin önəmli olduğunu deyib.

Lilian Mauri Paskiebu üzv ölkələri ümumi öhdəlikləri yerinə yetirmək istiqamətində daha qətiyyətli addımlar atmağa çağırıb.

AŞPA prezidenti Bakıda keçirdiyi görüşlərdə Azərbaycanın İstanbul Konvensiyasına (Qadınlara qarşı zorakılığın və məişət zorakılığının qarşısının alınması və onlarla mübarizə haqqında Avropa Şurasının Konvensiyası) qoşulmasını tövsiyə etdiyini də diqqətə çatdırıb. 

 

Bir cavab yazın

Sizin e-poçt ünvanınız dərc edilməyəcəkdir.

Əvvəlki məqalə

Dövlət Komitəsi “köçkünlərə 10 min manat veriləcək” şaiyəsinə aydınlıq gətirdi

Sonrakı məqalə

Leykoz xəstəsi 14 yaşlı Zeyni Nəhmətovun əməliyyatı üçün kömək lazımdır –