Məşhur kino aktyoru Arnold Şvartsenegger atasının nasist olduğunu və Leninqradın blokadasında iştirak etdiyini etiraf edib.
Azpost.info “Bild” qəzetinə istinadən bildirir ki, aktyor bu barədə Netflix-də nümayiş olunan yeni “Arnold” sənədli serialında açıqlayıb.
75 yaşlı Şvartsenegger deyib ki, Avstriyanın kiçik Thal kəndində qardaşı Meinhardla birlikdə böyüyüb: “Bizim tərbiyəmiz çox sərt qaydalar altında idi Evdə qəddarlıqlar çox olub. Valideynlərimiz bizi döyürdülər”. -deyə aktyor xatırlayıb.
Aktyor deyib ki, anası Aureliya “təmizlik fanatiki” idi: “Atam Qustav II Dünya Müharibəsi zamanı NSDAP funksioneri idi. Vermaxtda xidmət etmiş və Leninqrad yaxınlığındakı cəbhədə yaralanmışdı. Digər nasist əsgərləri kimi o da müharibədən travma və depressiya altında qayıtmışdı. Ola bilsin ki, o, stress pozğunluğundan və depressiyadan əziyyət çəkirdi”
Şvarseneggerin sözlərinə görə, atası onları kəmərlə döyür və tez-tez açıq şəkildə şizofrenik davranış nümayiş etdirirmiş. Aktyor deyib ki, uşaq vaxtı qardaşlar axşam evə atanın hansı əhvalda- “yaxşı ata”, yoxsa “qəzəbli sərxoş ata”nın qayıdacağını bilmirdilər: “Gecə saat üçdə o bağırırdı. Biz də ürəyimiz qorxudan çırpınaraq oyanırdıq, çünki bunun nə demək olduğunu bilirdik”,-deyə ulduz xatırlayıb.
Şvarsnegger deyib ki, müharibədən sonra atası rayonda polis rəisi olub: “İşdə də, evdə də atam “tiran” idi, nizam-intizam tərəfdarı idi”.
Azpost.info
