Avropa Yenidənqurma və İnkişaf Bankı (AYİB) Yaxın Şərqdəki müharibədən ziyan çəkən ölkələrə dəstək olmaq üçün tədbirlər planını reallaşdırmağa başlayıb.
Azpost.info bildirir ki, bu barədə Avropa Yenidənqurma və İnkişaf Bankının (AYİB) açıqlamasında deyilir.
Bankın münaqişələrə cavab tədbirləri birbaşa ziyan görmüş iqtisadiyyatlara – İraq, İordaniya, Livan, Qərb Sahilinə və Qəzzaya, eləcə də Misir, Türkiyə, Ermənistan və Azərbaycan da daxil olmaqla qonşu ölkələrin birinci qrupuna yönələcək.
AYİB 2026-cı ildə bu ölkələrə ümumilikdə 5 milyard avro investisiya qoymağı planlaşdırır. Sürətlə dəyişən vəziyyətə görə münaqişələrə cavab investisiyalarının səviyyəsi tələbdən asılı olacaq.
AYİB həmçinin fəaliyyət göstərdiyi və daha geniş iqtisadi təhlükəsizlik problemləri və ortaya çıxan makroiqtisadi təsirlərlə üzləşən bütün digər ölkələrə dəstək verməyə hazırdır.
