Avropa İttifaqında restoranlarda ən az pul xərcləyən Rumıniya vətəndaşlarıdır

14 Yanvar 2020 - 08:00

Avropanın statistika agentliyi-“Avrostat”-ın məlumatına əsasən, Avropa İttifaqında (Aİ) ən az restoranlara vəsait ayıran Rumıniya vətəndaşlarıdır.

AZƏRTAC xəbər verir ki, Aİ vətəndaşları 2018-ci ildə 600 milyard avro restoran və yeməkxanalarda xərcləyiblər. Ən çox Avropada restoranlara pul xərcləyənlər irlandiyalılardır. Onlar ümumi gəlirin 14,4 faizini bu istiqamətə yönəldir. Sonra siyahıda İspaniya 13, Malta 12,6, Yunanıstan 12,4 faizlə yer alıb. Ən az isə bu göstərici Rumıniyada 1,9 faiz, Polşada 3 faiz və Litvada 3,4 faiz olaraq qeydə alınıb. Məlumata görə, Aİ-də 2008-2018-ci illərdə restorana yönələn xərclər artaraq ümumi gəlirin 7 faizini təşkil ediblər.