Avstraliyanın Hobart şəhərinin limanında, istehsalçısı tərəfindən dünyanın ən böyük elektrik gəmisi adlandırılan gəmi suya buraxılıb.
Bu barədə “The Guardian” nəşri məlumat yayıb.
Bildirilir ki, “Incat” gəmiqayırma şirkəti tərəfindən istehsal edilən və “Hull 096” adlandırılan gəmi 130 metr uzunluğa malikdir. Gəmi 2100 sərnişin və 225 avtomobil daşımaq qabiliyyətinə malikdir.
Tamamilə elektrik enerjisi ilə işləyən gəmi yalnız akkumulyatorlardan istifadə edir. Bu akkumulyatorların ümumi çəkisi 250 ton təşkil edir.
İstehsalçı bu layihəni şirkətin indiyədək həyata keçirdiyi ən çətin və iddialı layihə adlandırıb.
