Azərbaycana Çin avtomobillərini gətirən şirkət  fəaliyyətini dayandırıb

27 Dekabr 2019 - 09:59

Azərbaycanda Çin avtomobillərinin satışını həyata keçirən “Sirena Motors” avtomobil satışını dayandırıb.

Azpost.info  bildirir ki, fed.az-ın “Sirena Motors” dan əldə etdiyi məlumata görə, bu ilin yayından etibarən salona maşın gətirilməyib. Həmçinin həmin dövürdən satışlar da dayandırılıb. Verilən məlumata görə, avtomobillər Yeni İldən sonra gətiriləcək.

Bununla yanaşı, öildirək ki, bir neçə ay əvvəl şirkətdən avtomobillərin sentyabr ayında gətiriləcəyi bildirilmişdi.

Qeyd edək ki, “Sirena Motors” ölkəmizdə Çinin «Changan», «Baic», «Gac», «Jac» və «Chana» avtomobillərinin rəsmi satış təmsilçisidir.