“Bakı ilə İrəvan arasında münasibətlərin bir-birinin suverenliyi və ərazi bütövlüyünün tanınması əsasında normallaşması üçün ciddi ilkin şərtlər var”.
Azpost.info xəbər verir ki, bunu Azərbaycan prezidenti İlham Əliyev Moskvada Ali Avrasiya İqtisadi Şurasının genişləndirilmiş iclasında çıxış edərkən deyib.
Prezident Ermənistanın Qarabağı Azərbaycanın tərkib hissəsi kimi tanıması fonunda sülh sazişinin əldə edilməsi imkanının olduğunu bəyan edib.
İlham Əliyev çıxışının sonunda sammitə dəvətə görə Rusiya prezidenti Vladimir Putinə, eləcə də bu dəvətin dəstəklənməsində iştirak edən bütün həmkarlarına minnətdarlığını bildirib.
Prezident onu da qeyd edib ki, bu gün Rusiya tərəfinin təşəbbüsü ilə Rusiya, Azərbaycan və Ermənistan liderlərinin üçtərəfli görüşü keçiriləcək.
Azpost.info
