Bakıda və Abşeron yarımadasında yağış yağacaq

İyunun 21-də günün birinci yarısında Bakıda və Abşeron yarımadasının bəzi yerlərində arabir yağış yağacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, yarımadanın bəzi yerlərində şimşək çaxacağı, qısamüddətli leysan xarakterli olacağı ehtimalı var.

İyunun 23-ü gündüzədək Azərbaycanın rayonlarının bəzi yerlərində fasilələrlə leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə (Daşkəsən-Gədəbəy, Gəncə-Qazax, Qarabağ və Şərqi Zəngəzur, Balakən-Şəki, Quba-Qusar, Dağlıq Şirvan, Mərkəzi-Aran, Naxçıvan Muxtar Respublikası, Lənkəran-Astara) yağıntıların intensiv və güclü olacağı, dolu düşəcəyi proqnozlaşdırılır.

Çaylarda sululuğun artacağı, Böyük və Kiçik Qafqazın ərazisindən axan bəzi çaylardan qısamüddətli daşqın və sel keçəcəyi bildirilir.

Əvvəlki məqalə

Azərbaycanla Aİ arasında əməkdaşlıq müzakirə edilib

Sonrakı məqalə

Əli İnsanovun sədri olduğu partiya öz üzvlərinin sayını açıqladı