Bakıdakı diplomatik korpus üzvlərinin Şərqi Zəngəzura səfəri başlayıb

Azərbaycan Respublikasında akkreditə olunmuş diplomatik korpusun üzvləri və hərbi attaşelərin mayın 24-də Şərqi Zəngəzura səfəri başlayıb.

Laçına səfər edəcək diplomatik korpus üzvləri Zəngilan Beynəlxalq Hava Limanına çatıblar.

Buradan Laçına yola düşəcək iqamətgahı Bakıda yerləşən səfirlik və beynəlxalq təşkilatların nümayəndələri səfər çərçivəsində Laçında COP29-la əlaqədar təqdimat mərasimində iştirak edəcəklər.

Həmçinin diplomatik korpus nümayəndələri Laçın şəhərində həyata keçirilən bərpa və yenidənqurma işləri ilə tanış olacaqlar. Bu çərçivədə Zerti Aqro-Sənaye Parkını və Hoçazfilm kinopavilyonunu ziyarət, həmçinin Həkəri çayına balıqların buraxılması mərsimi də planlaşdırılır. Bundan sonra isə “Xalça belə yarandı” adlı sərginin açılışı nəzərdə tutulur.

Əvvəlki məqalə

Azərbaycan və Ermənistan sərhədçiləri Qazax istiqamətində xidmətə başlayır

Sonrakı məqalə

Bu günə olan valyuta məzənnələri