“Bavariya”nın qapıçısı Manuel Noyer Bundesliqa rekordunu təkrarlayıb.
O, buna 32-ci turda “Borussiya” (Münhenqladbax) ilə matçda qol buraxmamaqla nail olub.
Otuz beş yaşlı qolkiper çempionatda ümumilikdə qapısını toxunulmaz saxladığı görüşlərin sayını 204-ə çatdırıb. Beləliklə, Noyer Oliver Kanın rekordunu təkrarlayıb. Oyunçu bunu çıxdığı 467-ci qarşılaşmada gerçəkləşdirib. Kan isə karyerası ərzində 557 matç keçirib.
Qeyd edək ki, sözügedən oyun Münxen təmsilçisinin 6:0 hesablı qələbəsi ilə başa çatıb.
