Beynəlxalq axtarışda olan sabiq müstəntiq tutulub

Binəqədi Rayon Prokurorluğunun beynəlxalq axtarışda olan sabiq əməkdaşı Adil Qədirov tutulub.

DİN -in mətbuat xidmətindən APA-ya bildiririlib ki, axtarışda olan şəxs polisin keçirdiyi tədbirlərlə saxlanılaraq istintaqa təhvil verilib.

Qeyd edək ki, 2014-cü ildən Binəqədi Rayon Prokurorluğunun sabiq əməkdaşı, 1958-ci il təvəllüdlü Qədirov Adil Rəsul oğlu Cinayət Məcəlləsinin 179.2.3-cü (mənimsəmə – şəxs tərəfindən öz qulluq mövqeyindən istifadə etməklə törədildikdə) maddəsi ilə təqsirli bilinir.

A. Qədirov Azərbaycanda olmadığından onun tutulması üçün İnterpola müraciət edilib.

A. Qədirov əvvəllər Binəqədi Rayon Prokurorluğunda müstəntiq vəzifəsində çalışıb.

Əvvəlki məqalə

Polad Bülbüloğlunun “YouTube”a qanunsuz yerləşdirilmiş əsərləri silinib

Sonrakı məqalə

Gədəbəy rayonuna diametri 6 millimetr olan dolu düşüb