“Bir nömrəli prioritet Trampdan qurtulmaqdır” –Prezidentliyə milyarder namizəd Mayk Blumberq

Nyu-York şəhərinin keçmiş meri, milyarder Mayk Blumberq prezident seçkilərində Demokrat namizədlər arasında debatlarda iştirak etməyən yeganə namizəddir. Amerikalılar onun gündəliyi və platforması haqqında özü özünü maliyyələşdirdiyi siyasi reklamlardan öyrənir. Bu yaxınlarda Blumberq Harlemdə kampaniyasının Nyu-York ştatında ilk postu olacaq yeni ofisini açıb.

Mayk Blumberqin yeni ofisi Nyu-York şəhərinin Harlem məhəlləsindəki 125-ci küçədə yerləşir. Ofisin təmir işləri tam başa çatmasa da artıq rəsmi açılış olub.

Nyu-York şəhərinin meri olarkən Blumberq admninistrasiyasının “Stop & Frisk” siyasəti – silah və qaçaqmalçılığın qarşısını almaq məqsədilə polisə axtarış aparmağa icazə verən qanun xüsusi olaraq azlıqları hədəf aldırdı. Və bu siyasət – axtarışların həyata keçirilməsi üsulu Nyu-Yorkun Federal Məhkəməsi tərəfindən konstitusiyaya zidd hesab edilirdi.

Blumberq prezident yarışına qatıldıqdan sonra keçmiş hərəkətlərinə görə üzr istəyib. Onun sözlərinə görə, indi onun ən böyük hədəfi prezident Donald Trampı dayandırmaqdır. “Bir nömrəli prioritet Donald Trampdan qurtulmaqdır. Mən bütün pullarımı Donald Trampdan xilas olmaq üçün xərcləyirəm. Daha çox və ya az xərcləməyimi istəyirsiniz? ” deyə, o bildirir.

Blumberq artıq televiziya reklamlarına on milyonlarla pul xərcləyib və ABŞ prezidentliyi uğrunda mübarizədə şəxsi vəsaitlərindən bir milyard dollara qədər pul xərcləməyə hazırdır.​ O, orta hesabla gündəlik kampaniyasına təxminən 3 milyon dollar xərcləyir.

Blumberqin Demokratların ilkin debatlarında iştirak etməməsinə baxmayaraq, o, səs qazanmağa başlayıb. Sorğulara görə o, hazırda Co Bayden, Berni Sanders, Elizabet Vorren və Pit Buticecdən sonra beşinci ən populyar Demokrat namizəddir.

Blumberq eləcə də kiçik məhkəmə işlərini televiziya şousunda nümayiş etdirən məşhur amerikalı hakim Cudidən böyük dəstək alıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Gəncədə 2 nəfər dəm qazından zəhərlənib

Sonrakı məqalə

Dünyada koronavirusa yoluxanların sayı 20 mini keçib