Dünyada koronavirusa yoluxanların sayı 20 mini keçib

04 Fevral 2020 - 22:59

Dünyada yeni növ koronavirusun səbəb olduğu pnevmoniyaya yoluxanların sayı 20,6 min nəfəri keçib.

Bu barədə Ümumdünya Səhiyyə Təşkilatının (ÜST) çərşənbə axşamı yaydığı məlumatda bildirilir.

ÜST-ün məlumatına görə, fevralın 4-də Çində 2019-nCov virusuna yoluxma halı 20 471 nəfərdə qeydə alınıb. Daha 23 214 nəfərdə isə koronavirus şübhəsi aşkarlanıb. 2788 xəstə hazırda ağır vəziyyətdədir. Ümumilikdə, xəstəlik nəticəsində 425 nəfər, əsasən bir və ya iki xroniki xəstəliyi olan yaşlı insanlar ölüb. Eyni zamanda, 680-dən çox insan bu virusdan xilas olub.

Çindən kənarda 24 ölkədə 176 nəfər koronavirusa yoluxub: Tailand (25), Sinqapur (24), Yaponiya (21), Cənubi Koreya (16), Avstraliya (13), Almaniya (12), ABŞ (11), Malayziya (10), Vyetnam (10), Fransa (6), BƏƏ (5), Kanada (4), Hindistan (3), Filippin (3), Filippin (2), İtaliya (2), Rusiya (2), Böyük Britaniya (2), Kamboca (1), Nepal (1), Şri-Lanka (1), Belçika (1), Finlandiya (1), İspaniya (1) və İsveçdə (1) artıq bu xəstəliyin daşıyıcıları var.

Çindən kənarda yeganə ölüm hadisəsi Filippində qeydə alınıb.(APA)