Prezident İlham Əliyev Azərbaycan Respublikası Müdafiə Nazirliyinin bir sıra hərbi qulluqçularına “general-mayor” ali hərbi rütbəsinin verilməsi haqqında sərəncam imzalayıb.
Sərəncama əsasən, Azərbaycan Respublikası Müdafiə Nazirliyinin aşağıdakı hərbi qulluqçularına “general-mayor” ali hərbi rütbəsi verilib:
polkovnik Ağamir Əzizxan oğlu Sultanova
polkovnik Anar Təvəkkül oğlu Kərimova
polkovnik Namiq Sərəfruz oğlu İslamzadəyə
polkovnik Zaur Sabir oğlu Məmmədova.
Azərbaycan Silhalı Qüvvələrinin zabiti Ağamir Sultanov Müdafiə Nazirliyi Raket, artilleriya qüvvələrinin komandanıdır. 2016-cı il aprel döyüşləri zamanı göstərdiyi qəhrəmanlığa görə “İgidliyə görə” medalı ilə təltif edilib.
Anar Kərimov Müdafiə Nazirliyinin Mühəndis istehkam xidmətinin rəisidir, Namiq İslamzadə isə Hərbi Hava Qüvvələrinin (HHQ) zabitidir.