“Rusiya prezidenti Vladimir Putinin Türkiyəyə səfəri üçün hələ dəqiq tarix yoxdur”.
Azpost.info xəbər verir ki, bunu Kremlin sözçüsü Dmitri Peskov bildirib.
Onun sözlərinə görə, bu məsələ diplomatik kanallar vasitəsilə operativ şəkildə razılaşdırılacaq.
“Səfər uzun müddətdir ki, hazırlanır. Biz də bu səfəri səbirsizliklə gözləyirik. Bu, mühüm səfərdir. Hazırda bu təmaslar üçün dəqiq son tarixlərimiz yoxdur, onlar diplomatik kanallar vasitəsilə çox tez razılaşdırılacaq”, – Peskov deyib.
Daha əvvəl Peskov bildirmişdi ki, Putin Rusiyada martın 15-17-nə təyin edilmiş seçkilər başlamazdan əvvəl Türkiyəyə səfər edəcək. Türkiyə lideri Rəcəb Tayyib Ərdoğan da öz növbəsində Putinə zəng etdiyini bildirib. Söhbət zamanı Rusiya prezidenti həmkarına söz verib ki, Ankara səfərini ləngitməyəcək.
Azpost.info
