Böyük Britaniya Rusiya prezidenti Vladimir Putinin iki qızı və Rusiyanın xarici işlər naziri Sergey Lavrovun qızına qarşı sanksiyalar tətbiq edib.
Azpost.info xəbər verir ki, bu barədə Britaniya Xarici İşlər Nazirliyinin (XİN) mətbuat xidməti məlumat yayıb.
Məlumata görə, Yekaterina Tixonova, Mariya Vorontsova və Yekaterina Vinokurun Böyük Britaniya ərazisinə girişinə qadağa qoyulacaq.
Eyni zamanda, onların Britaniyada yerləşən bütün aktivləri dondurulacaq.
“Rusiya iqtisadiyyatının Sovet İttifaqının dağılmasından bəri görünməmiş miqyasda deqradasiyaya uğradığı bir vaxtda bizim sanksiya paketimiz elita və onların ailələrinə zərbədir”, – Britaniya XİN rəhbəri Liz Tras bildirib.
