Dekabrın 15-də Belçika Krallığının paytaxtı Brüsseldə Avropa İttifaqının Şərq Tərəfdaşlığının VI Sammiti keçirilib.
Azərbaycan Respublikasının Prezidenti İlham Əliyev Sammitdə iştirak edib.
**
Brüsseldə “ŞərqTərəfdaşlığı”na üzv ölkələrin liderlərinin sammiti öz işinə başlayıb.
Bu barədə Avropa İttifaqı Şurasının Prezidenti Şarl Mişelin mətbuat katibi Barend Leyts “Twitter”də bildirib.
Onun sözlərinə görə, görüşdən sonra Aİ Şurasının Prezidenti Avropa Komissiyasının Prezidenti Ursula von der Leyenlə birgə mətbuat konfransı keçirəcək.
Qeyd edək ki, Brüsseldə keçirilən sammitdə Azərbaycan, Ermənistan, Gürcüstan, Moldova və Ukrayna liderləri iştirak edir. Belarus hökuməti “Şərq Tərəfdaşlığı”nda iştirakını dayandırdığı üçün sammitə qatılmayıb.
Avropa İttifaqına üzv dövlətlər və Şərq Tərəfdaşlığı ölkələri regionda sabitliyin və əməkdaşlığın möhkəmlənməsinə sadiq olduqlarını təsdiq etmək, ortaq dəyərlər əsasında gələcək prioritet və planları müəyyənləşdirmək üçün bir araya gəlirlər.
