Hamı pul sevir, amma hər bürcün öz maliyyə “Axilles dabanı” var. Görək, məhz sizin bürcünüz pul kisəsinə nəzarəti harada itirir və bunun qarşısını necə almaq olar.
Qoç
İmpulsiv alış-veriş ustası olan Qoç bir günün içində onlayn mağazadakı səbətini, eyni zamanda pul kisəsini də boşalda bilər. Onun əsas düşməni “yalnız bu gün” endirimləri və “bir kliklə ödə” seçimləridir.
Həll: Özünüz üçün bir həftəlik qayda qoyun. Bir həftə sonra həmin məhsulu hələ də çox istəyirsinizsə, endirimsiz belə almağa dəyər. Amma kiçik həvəsinizi artıq unutmusunuzsa, endirim də alış üçün əsas deyil.
Buğa
Söhbət rahatlıqdan gedirsə, Buğa bunun üçün artıq pul ödəməyə hazırdır. Əsas düşməni hər şeyin premium versiyasını almaq istəyidir. Keyfiyyətli yataq dəsti, əlbəttə, vacibdir, amma bu artıq 20-ci dəstdirsə, məsələ dəyişir.
Bəzən pul kisəniz öz standartlarınıza çatmağa imkan vermir.
Həll: Hər şeyi düşünmədən lüks seçmək əvəzinə, “ən yaxşı” ilə “kifayət qədər yaxşı”nın yan-yana olmasına imkan verin.
Əkizlər
Siz pulları bir dəfəyə xərcləmirsiniz, amma mütəmadi olaraq onlarla kiçik alış-verişə səpələyirsiniz. İlk baxışdan xərcləriniz məntiqli görünür. Lakin ayın sonunda bu kiçik istəklərin ümumi məbləği gözləntilərinizi aşır. Üstəlik, alışların yarısı qısa müddətdən sonra sizin üçün əhəmiyyətini itirir.
Həll: Hətta “cəmi bir neçə manatlıq” abunəlik, qadcet və ya kiçik aksesuar alarkən də düşünün. Ayrı-ayrılıqda ucuz görünən xərclər zamanla böyük məbləğə çevrilir.
Xərçəng
Sizin zəifliyiniz evə, rahatlığa və təhlükəsizlik hissinə çəkilən xərclərdir. Yeni, 30-cu gözəl boşqab, yataq otağı üçün beşinci pərdə dəsti, mebelin dəyişdirilməsi və ya növbəti təmir…
Bütün bunlar sizə yenilik və təhlükəsizlik hissi verir, amma əşyaların yığılmasına çevrilə bilər.
Həll: Əşyaları ehtiyat üçün toplamaq əvəzinə, xoş emosiyalar toplayın. Beşinci qab dəsti tezliklə bezdirə bilər, amma səyahətin, istirahətin və ya macəranın xatirəsi uzun müddət qalır.
Şir
Sizin diqqət çəkmək istəyinizə qarşı çıxmaq çətindir. Sizin üçün alışın özündən çox, onun başqalarında yaratdığı təəssürat vacibdir.
Sizi qınamırıq, amma xatırladırıq: status və nüfuz arxasınca qaçmaq özünəinam problemlərini həll etmir, əvəzində pul kisəsini xeyli yüngülləşdirir.
Həll: Alış-verişdən əvvəl özünüzdən soruşun: “Bu əşya əslində kimə sevinc gətirəcək?”
Qız
Deyirlər ki, “ucuz alan iki dəfə alır”. Sizin qənaət sevgisi də bəzən maliyyə dalanına gətirib çıxara bilər. Büdcənizi aşan hər şey mütləq əsassız bahalı deyil. Bəzən bir keyfiyyətli məhsul sonradan yenidən alacağınız iki ucuz məhsuldan daha çox qənaət etdirir.
Həll: Hər alış-verişi yalnız “nə qədər sərf edirəm?” prizmasından qiymətləndirməyi dayandırın. Bəzən xərcləməkdən də zövq almağı öyrənin.
Tərəzi
Estetikaya həssas olduğunuz üçün göz oxşayan, lakin heç bir real faydası olmayan əşyalara asanlıqla pul xərcləyə bilərsiniz. Sizin üçün alış-veriş qərarı çox vaxt məhsulun görünüşünə heyranlıqla başlayır.
Məhz sizin kimi insanlar üçün lazımsız əşyanı daha qiymətli göstərmək məqsədilə gözəl və çoxqatlı qablaşdırma düşünülüb.
Həll: Alış-veriş zamanı yalnız estetik tərəfi qiymətləndirməyin. Gözəl görünüş hələ keyfiyyətli məzmun demək deyil.
Əqrəb
Pulunuz barədə danışmağa hamıdan çox nifrət edirsiniz. Buna görə də çox az adam sizin pullarınızı nəyə xərclədiyinizi bilir. Bu, nadir əşya, qeyri-adi investisiya və ya başqa gizli maliyyə qərarı ola bilər.
Hətta böyük alış-veriş və ya maliyyə böhranı zamanı belə, son ana qədər heç kim bundan xəbər tutmaya bilər.
Məxfiliyə sevginiz kapitalınızı qoruyur, amma eyni zamanda risklər də yaradır.
Həll: Lazım gəldikdə maliyyə məsələlərində daha açıq olmağı öyrənin.
Oxatan
Eyş-işrət sizin ikinci adınızdır. Pul, şübhəsiz ki, zövq gətirməlidir və siz onu təəssüratlara, səyahətlərə və macəralara xərcləməkdən çəkinmirsiniz.
Risk etməkdən qorxmursunuz, əksinə, bunu sevirsiniz və çox vaxt qeyri-müəyyənliyə gedirsiniz.
Həll: Büdcə planlaşdırması hələ heç kimi öldürməyib. Macəralarda belə ehtiyat planınız və maliyyə “təhlükəsizlik yastığınız” olsun ki, macəra sizə sevinc gətirməkdə davam etsin.
Oğlaq
Bürclər arasında ən böyük xəsis, bəlkə də, sizsiniz. Gələcəkdə baş verə biləcək gözlənilməz vəziyyətlər üçün obsesiv şəkildə pul yığıb saxlayırsınız və hətta özünüzə pul xərcləməyə heyfiniz gəlir.
Nəticədə isə bu günün həyatını qaçıra bilərsiniz. Pula həddindən artıq bağlılıq zamanla tükənməyə və emosional boşluğu doldurmaq üçün birdən-birə böyük məbləğ xərcləmək istəyinə səbəb ola bilər.
Həll: Büdcə planlaşdırarkən bir qədər sərbəst olun ki, artıq qazandığınız puldan da zövq almağa vaxtınız çatsın.
Dolça
İlhamın təsiri ilə yeni ideyaları həyata keçirmək, qəribə əşyalar və ən son texnoloji yenilikləri almaq üçün pul xərcləyirsiniz.
Maliyyə məntiqi marağa uduzur. Başınızdakı ən çılğın və inqilabi ideya belə həyata keçirilmək üçün pul axtarır.
Həll: İdeyalarınıza bir qədər “soyumaq” vaxtı verin. Beləliklə, onları daha obyektiv qiymətləndirə və pul artıq xərcləndikdən sonra peşman olmaqdan qaça bilərsiniz.
Balıqlar
Özünüzün ehtiyaclarını ikinci plana ataraq yaxınlarınıza pul xərcləmək sizin sevimli məşğuliyyətinizdir.
Uşağa növbəti oyuncaq, tərəf müqabilinizə onuncu ətir, halbuki özünüzün heç bir ətiriniz yoxdur. Qohumlara maddi yardım, geri qaytarılması barədə xatırlatma belə etmədən borc vermək…
Başqalarının maliyyə problemlərini öz probleminizə çevirirsiniz.
Həll: Qayğı göstərməklə başqalarını xilas etməyin arasında böyük fərq olduğunu anlayın. Böhran zamanı əvvəlcə özünüzün təhlükəsizlik maskasını taxmalı, sonra yanınızdakı insana kömək etməlisiniz. Sakit dövrlərdə də ilk növbədə öz istəklərinizi xatırlayın.
Yekun
Hər bürcün öz maliyyə zəifliyi var. Amma hamı üçün keçərli olan bir qayda mövcuddur:
Pulu zövqlə xərcləyin, ağılla yığın.
