Sağlam qidalanma dedikdə ağlımıza ilk gələn tərəvəzləri bişirmək və ya buxarda hazırlamaq olsa da, bəzi qidalar termik emal zamanı bütün faydalı xüsusiyyətlərini itirir. Mütəxəssislər xəbərdarlıq edir ki, vitamin və mineralların maksimum mənimsənilməsi üçün müəyyən məhsullar mütləq çiy şəkildə istehlak edilməlidir.
AzPost həmin 8 əvəzolunmaz qidanın siyahısını təqdim edir:
-
Sarımsaq: Tərkibindəki güclü antiosidant olan allisin yalnız çiy halda aktivdir. Bişirildikdə sarımsaq öz müalicəvi təsirini demək olar ki, tamamilə itirir.
-
Bolqar bibəri: Vitamin C ilə zəngin olan bu tərəvəz yüksək temperaturda həmin vitaminin böyük hissəsini itirir. Bibəri salatlara çiy əlavə etmək immunitet üçün daha faydalıdır.
-
Brokkoli: Bu tərəvəzin tərkibindəki sulforafan maddəsi xərçəng əleyhinə təsirə malikdir. Bişirmə prosesi sulforafanın yaranmasını təmin edən fermentləri məhv edir.
-
Soğan: Ürək-damar sağlamlığı üçün faydalı olan flavonoidlər çiy soğanda daha yüksək konsentrasiyada olur.
-
Qoz-fındıq: Qovrulmuş qoz-fındıq dadlı olsa da, istilik onların tərkibindəki sağlam piylərin oksidləşməsinə və qida dəyərinin azalmasına səbəb olur.
-
Çuğundur: Bişmiş çuğundurun glisemik indeksi artır, lakin çiy halda o, tərkibindəki fol turşusunu və dəmiri daha yaxşı qoruyur.
-
Kələm: C vitamini və lif mənbəyi olan kələm salat halında həzm sistemi üçün daha effektivdir.
-
Zəncəfil: İltihab əleyhinə təsiri olan gingerol maddəsi çiy zəncəfildə daha aktivdir.
Mütəxəssislər qeyd edir ki, bu qidaları gündəlik rasiona çiy şəkildə əlavə etmək orqanizmin enerji balansını bərpa edir və xroniki xəstəliklərin qarşısını alır.
