Daha 33 azərbaycanlı Qazaxıstandan vətənə yola salınıb

Xaricdə olan Azərbaycan vətəndaşlarının ölkəyə gətirilməsi istiqamətində tədbirlər davam etdirilir. Koronavirus (COVID-19) pandemiyasının yayılma təhlükəsi səbəbindən sərhədlərin bağlanmasına görə müvəqqəti olaraq (xidməti və şəxsi səfərlərlə əlaqədar) Qazaxıstanda qalan daha 33 həmyerlimiz vətənə yola salınıb.

Trend-in məlumatına görə, “Azərbaycan Xəzər Dəniz Gəmiçiliyi” QSC-nin “Merkuri” bərə gəmisi ilə yola salınan vətəndaşlarımızın hamısı virusa qarşı testdən keçirilib.

Ümumilikdə bu günə qədər Qazaxıstandan gəmi vasitəsilə 316 nəfər vətənə yola salınıb.

Baş Konsulluqda Azərbaycana təxliyəni gözləyən vətəndaşların qeydiyyat prosesi davam etdirilir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

“Belarusdakı vəziyyəti diqqətlə izləyirik” –

Sonrakı məqalə

Azərbaycanda koronavirusla bağlı son vəziyyət açıqlandı