Ukrayna Donetsk, Luqansk, Zaporojye və Xerson vilayətlərinin ərazilərini sadəcə tərk edə bilməz.
AzPost bildirir ki, bu barədə Zelenski Fox News-a verdiyi müsahibədə bildirib.
Zelenskinin sözlərinə görə, bu ərazilərdən sadəcə geri çəkilmək mümkün deyil. O bildirib ki, “nə prezident, nə parlament, nə də referendum bir faktı dəyişdirə bilməz: bu, bizim qanunvericiliyimizə ziddir”.
Bundan əlavə, prezident qeyd edib ki, bu, sadəcə qanun məsələsi deyil – bu ərazilərdə təxminən 300.000 insan yaşayır: “Yaralıların və ölənlərin sayını nəzərə alsaq, sadəcə geri çəkilə və onları tərk edə bilmərik. Ordumuz orada yerləşir”.
Dövlət başçısı vurğulayıb ki, potensial kompromis həlli ilə bağlı hər hansı qərar yalnız Ukrayna vətəndaşlarının birbaşa razılığı ilə qəbul edilə bilər. O bildirib ki, bu, ümumi və ya deklarativ razılaşmalar əvəzinə 20 bənddən ibarət konkret planı əhatə edir.
Zelenski həmçinin qeyd edib ki, hər iki tərəfdən bir neçə kilometrlik qoşunların geri çəkilməsi ilə azad iqtisadi zonanın yaradılması mümkün kompromis kimi nəzərdən keçirilir: “Əgər qərar bu formatda verilərsə, onu qəbul etmək və ya rədd etmək üçün referendum yolu olacaq”, – deyə Zelenski vurğulayıb.
