Ermənistan Azərbaycanın ev sahibliyinə namizədliyini dəstəklədi –Bakı da İrəvanın / AÇIQLAMA

Ermənistan COP29-un ev sahibliyinə namizədlikdə Azərbaycanı dəstəkləyib.

Bu barədə Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatının birgə açıqlamasında bildirilir.

Qeyd olunub ki, Ermənistan ev sahibliyinə namizədliyini geri götürüb: “Xoş niyyətin təzahürü olaraq, Ermənistan Respublikası BMT-nin İqlim Dəyişmələri üzrə Çərçivə Konvensiyasına Tərəf Dövlətlərin 29-cu Konfransına (COP29) ev sahibliyinə öz namizədliyini geri götürərək, Azərbaycan Respublikasının namizədliyini dəstəkləyir. Azərbaycan Respublikası və Ermənistan Respublikası ümid edirlər ki, Şərqi Avropa Qrupuna daxil olan digər ölkələr də Azərbaycanın namizədliyini dəstəkləyəcək. Xoş niyyətin təzahürü olaraq, Azərbaycan Respublikası Ermənistanın Şərqi Avropa Qrupundan COP-un Büro üzvlüyünə namizədliyini dəstəkləyir”.

Əvvəlki məqalə

Azərbaycan Prezidentinin Administrasiyası və Ermənistan Baş nazirinin Aparatı birgə açıqlama yaydı –

Sonrakı məqalə

Azərbaycanlı hərbi əsirlərin azad ediləcəyi gözlənilir