Ermənistan və Gürcüstanın müdafiə nazirləri Suren Papikyan və İrakli Çikovani iki ölkənin müdafiə nazirlikləri arasında 2024-cü il üçün əməkdaşlıq planı imzalayıblar.
Azpost.info xəbər verir ki, bu barədə Ermənistan Müdafiə Nazirliyi məlumat yayıb.
“Ermənistanın müdafiə naziri Suren Papikyan Gürcüstanın müdafiə naziri İrakli Çikovani ilə söhbət edib, daha sonra nümayəndə heyətlərinin geniş tərkibdə görüşü keçirilib. Tərəflər həmçinin iki ölkənin silahlı qüvvələrində aparılan islahatların təfərrüatlarını bir-birinə təqdim ediblər. Nazirlər 2024-cü il üçün departamentlər arasında əməkdaşlıq planı imzalayıblar”, – məlumatda deyilir.
Azpost.info
