“Ermənistan tərəfindən verilən mina xəritələrinin dəqiqliyi çox aşağı səviyyədədir”.
Bunu Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev jurnalistlərə açıqlamasında deyib.
O bildirib ki, işğal dövründə Ermənistan tərəfindən 1 milyondan artıq mina basdırılıb:
“Ermənistan regionda ən çox mina istehsal edən ölkələrdən biridir. Ölkəmizin ərazisinin təxminən 12 faizi mina ilə çirkləndirilib”.
