Sğkülən ev
“Təqsirkar hesab olunan və bu gün barəsində hər hansı bir cinayət işi açılmayan tərəf, Həbib Hacıyevə və onun ailəsinə heç bir kompensasiya məbləği təklif etməyib. Həbib Hacıyev heç kəsdən 2 milyona yaxın pul vəsaiti istəməyib. Əksinə, illərdir ki, onların həyat şəraitinə müdaxilə edən tərəf tikinti şirkətidir”.
AzPost xəbər verir ki, bu sözləri Baku TV-yə evi qanunsuz şəkildə sökülən Alatava sakini Həbib Hacıyevin vəkili Ülvi İsmayılov deyib.
O qeyd edib ki, sözügedən evin çıxarışı olub:
“Həbib Hacıyevin mülkiyyəti 2000-ci ildə tikilmiş 5 mərtəbəli binadır. Çıxarışı da var. Yəni şəxsi mülkiyyətdədir. 710 kvadratmetrdən artıq ölçüsü var.
Təsəvvür edin ki, ətrafda olan yaşayış evlərinə 1800 manatdan pul təklif olunub. Bəzilərinə isə hətta daha artıq. 1800 manatdan götürsək, 1 milyon 400 min pul edir.
Bununla bağlı məhkəmənin iddia predimeti Bakı Şəhər İcra Hakimiyyətinin sərəncamını əsas götürməklə, əmlakın sökülməsi barədə qərar əldə etməkdir. Həmin iddia ilə bağlı qarşı tərəfə göndərilən bildirişdə 173 min manat pul təklif olunub. İddia ərizəsində isə 430 min manat. Bunlar hamısı formallığı əks etdirir. 2 milyonluq təkif isə ümumiyyətlə yalandır və həqiqəti əks etdirmir”.
