Əvvəllər məhkum olunan baş redaktor həbs edilib

Əvvəllər məhkum olunan baş redaktor həbs edilib.

Biləsuvar rayonunda bir neçə şəxsdən barələrində rüsvayedici məlumatlar yayacağı hədəsi ilə pul tələb etməkdə ittiham olunan “Kanal-1” internet televiziyasının rəhbəri Arzu Orucov polis əməkdaşları tərəfindən tutulub.

Əvvəllər qəsdən adam öldürmə cinayətinə görə məhkum olunan 1984-cü il təvəllüdlü A.Orucov ayrı-ayrı vətəndaşlardan müxtəlif məbləğlərdə pul tələb etməkdə təqsirli bilinir.

Müvafiq qərarla A.Orucov barəsində həbs qərarı qəbul edilib.

Onun barəsində başlanan cinayət işi üzrə istintaq hərəkətləri davam etdirilir.

Məlumatı DİN Mətbuat Xidmətindən APA-ya təsdiqləyiblər.

A.Orucovun əməllərindən zərərçəkən başqa şəxslər varsa bu barədə polisə məlumat verə bilər(apa).

Əvvəlki məqalə

Azərbaycan QHT-ləri 26 ABŞ konqresmeninə açıq məktub ünvanlayıb

Sonrakı məqalə

İranda prezidentliyə namizədlərin qeydə alınması başa çatır