Fillipinin prezidenti polisə əmr verdi:

“Karantini pozan vətəndaşları güllələyin!”
02 Aprel 2020 - 16:15

Fillipinin prezidenti Rodriqo Duterte polis və hərbiçilərə koronavirusla bağlı elan olunmuş karantin rejimini pozanlara atəş açmağa icazə verib.

Azpost.info “Frans-Press”ə istinadən bildirir ki, prezident bu barədə milli televiziya ilə müraciətində bəyan edib.

“Mən yerli məmurlara, polisə və hərbiçilərə əmr edirəm: Əgər problem yaranırsa, adamlar sizə hucum edib hədələsə onlara atəş açın”-deyə Duterte bildirib.

Prezident bildirib ki, Manilanın kasıblar yaşayan kvartallarında polis hökumət əleyhinə çıxışlar edən 20 nəfəri həbs edib. Onlar hakimiyyəti insanları ərzaqla təmin etməməkdə ittiham ediblər.