Azərbaycan Prezidenti İlham Əliyevin 19 Mart 2020-ci il tarixli Fərmanı ilə ölkədə koronavirus infeksiyasına qarşı preventiv addımlar atılması və mübarizə tədbirlərinin gücləndirilməsi məqsədilə Koronavirusla Mübarizəyə Dəstək Fondu yaradılıb.
Koronavirusla Mübarizəyə Dəstək Fondunun vəsaitinin formalaşdırılması, idarə olunması və ondan istifadə qaydasında göstərilib ki, Fondun vəsaiti Azərbaycan Respublikası dövlət büdcəsinin vəsaiti, fiziki və hüquqi şəxslərin könüllü ödəmələri və qanunla qadağan olunmayan digər mənbələr hesabına formalaşdırılır.
Marja-ya məlum olan məlumatlara görə, indiyədək 23 şirkət və 1 partiya tərəfindən Koronavirusla Mübarizəyə Dəstək Fonduna 14 milyon 527 min manat ianə ayrılıb.
Fonda könüllü ödəmə edən şirkətlər:
NEQSOL Holding – 5 milyon manat
Azərbaycan Beynəlxalq Bankı – 2 milyon manat
Azercell Telekom – 2 milyon manat
PAŞA Holding – 2 milyon manat
Akkord Korporasiyası– 1 milyon manat
PAŞA Bank – 500 min manat
Kapital Bank- 500 min manat
Amrahbank – 200 min manat
AzeriMed – 200 min manat
Bank Respublika – 200 min manat
Yeni Azərbaycan Partiyası – 200 min manat
Siyəzən Broyler – 197 min manat
Amrahsığorta – 100 min manat
Kristal Abşeron – 100 min manat
SƏBA – 100 min manat
“Rotary Motors”, “Yeni Motor”, “Diamond Motors”, “Subaru Azərbaycan” və “Toyota” Abşeron Mərkəzi birlikdə – 60 min manat
Kontakt Home – 50 min manat
Mətanət A – 50 min manat
Azəraqrartikinti – 30 min manat
İrşad Electronics – 30 min manat
“Foriella” – 10 min manat
Qeyd edək ki, 2020-ci il dövlət büdcəsində nəzərdə tutulmuş Prezidentin ehtiyat fondundan Koronavirusla Mübarizəyə Dəstək Fonduna ilkin olaraq 20 milyon manat ayrılıb.