“Warner Bros” məşhur “Harri Potter” seriyasından növbəti filmini çəkməyi planlaşdırır.
Azpost.info bildirir ki, bu barədə “The Sun” məlumat yayıb.
Şirkət artıq “Harri Potter və uşaq lənəti” pyesi əsasında filmin çəkilişi üzərində işə başlayıb. Bu pyesə quruluş vermək ideyası hələ 2016-cı ildən meydana çıxmışdı. Bununla bağlı müəllif Coan Roulinq, ssenari yazan Cek Torn və rejissor Con Tiffani çıxış edib. Amma hər dəfə bu məsələ təxirə düşürdü.
Hazırda layihə hələ ilkin hazırlıq mərhələsindədir. Guman olunur ki, bu pyes əsasında iki film çəkiləcək.
