Ötən həftə Azərbaycanda mərhum prezident Heydər Əliyevin 102 yaşı qeyd olundu.
Azərbaycan tarixində dövlət quruculuğunun fundamental əsaslarını yaratmış Heydər Əliyev 90-cı illərin əvvələrində ölkəni siyasi böhran girdabından çıxarmağı bacardı.
1993-cü ildə siyasi olimpə qayıdan Heydər Əliyev ölkənin idarəçiliyini öz əlinə aldı.
Bu baxımdan 1993-cü ildə keçirilmiş Prezident seçkilərində xalqın yekdil dəstəyi böyük etimadın göstəricisi oldu.
AzPost bildirir ki, internetdə 1993-cü ilin oktyabrında keçirilmiş prezident seçkilərindən sonra Heydər Əliyevin andiçmə mərasimindən maraqlı görünütlər yayılıb.
Qeyd edək ki, 1993-cü ildə keçirilmiş seçkilərdə üç namizəd mübarizə aparıb. Heydər Əliyev səslərin 98,80 % toplayaraq Azərbaycan Prezidenti seçilib.
Kadrlarda Respublika Sarayında baş tutmuş mərasimdə ölkənin tanınmış şəxsləri əks olunub. Mərasimi Dövlət katibi Lalə -Şövkət idarə edir. MSK sədri Cəfər Vəliyevin çıxışından sonra Heydər Əliyevə prezident seçildiyi barədə sənəd təqdim edilir. Daha sonra çıxış edən Heydər Əliyev Azərbaycann mövcud vəziyyətindən, davam edən müharibədən, ölkənin xarici və daxili prioritetlərindən danışır. “Güclü ordumuz olmalıdır”, “dövlət quruculuğuna başlamaq lazımdır” deyən Prezident bütün siyasi qüvvələrə müraciət edir.
Sonda Şeyxülislam AllahşakarPaşazadənin təqdime tdiyi “Quran”a əl basaraq and içir.
https://www.youtube.com/watch?v=Wp01Xa70340
