İlham Əliyev  “Valday” diskussiya klubuna gedir –

Soçidə Putinlə görüşəcək (AÇIQLAMA)
24 Sentyabr 2019 - 15:47

Azərbaycan Prezidenti İlham Əliyev Rusiya Prezidenti Vladimir Putinlə görüşəcək.

TASS-ın verdiyi xəbərə görə, bu barədə Rusiya Prezidentinin mətbuat katibi Dmitri Peskov bildirib. Onun sözlərinə görə, görüş oktyabrın 3-də Soçidə “Valday” beynəlxalq diskussiya klubunun sessiyası çərçivəsində baş tutacaq.

“Valday” beynəlxalq diskussiya klubunun sessiyasında Azərbaycan Prezidenti ilə yanaşı, İordaniya kralı II Abdullah, Qazaxıstan Prezidenti Kasım-Jomart Tokayev və Filippin Prezidenti Rodriqo Duterte də iştirak edəcəklər.

O qeyd edib ki, Rusiya Prezidenti adıçəkilən dövlət başçıları ilə ikitərəfli görüşlər keçirəcək.

“Valday” beynəlxalq diskussiya klubunun XVI illik iclası sentyabrın 30-dan oktyabrın 3-dək Soçidə təşkil olunacaq.