İlqar Məmmədov unun bahalaşmasına görə YAP-ı ittiham etdi:"Özəl sərmayəyə şərait yaratmırsınız..."

“Özəl sərmayələr üçün şəraitin pis olması səbəbi ilə biz hələ də buğdaya görə xaricdən asılı durumdayıq”.
Azpost.info bildirir ki, bu sözləri REAL partiyasının sədri İlqar Məmmədov unun qiymətinin bahalaşması ilə bağlı məlumatları şərh edərkən bildirib.
Onun sözlərinə görə, ildə orta hesabla 1,3 milyon ton buğdanı xaricdən alırıq: “Çünki özəl sektor Azərbaycana yatırım qoyub burda lazımi həcmdə keyfiyyətli buğda istehsal edə bilmir. Nə qanun aliliyi var, nə ağlabatan iqtisadi tənzimləmə. Kim bura yatırım edər?”
İ. Məmmədov qiymət artımına görə Yeni Azərbaycan Partiyasını ittiham edib: “İndi YAP deyəcək ki, dünya bazarında qiymətlərə mən nəzarət etmirəm. Amma ölkədəki sərmayə şəraitinə ki, YAP nəzarət edir. Daxili istehsala şərait yaratsaydınız, qiymət artımı cəmiyyətdə çox da ağrılı mövzu kimi qəbul edilməzdi”.
Partiya sədri çorəyin qiymətinin artmasını ölkəyə baha qiymətə idxal edilən buğda ilə izah edib:“2013-2020`ci illərdə Azərbaycan buğdanı hər tonuna görə orta hesabla 215 dollara idxal edirdi, hazırda isə idxal qiyməti 340 dollar ətrafında dəyişir”.
Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Azərbaycanda ötən gün COVİD-də 273 yoluxma qeydə alınıb

Sonrakı məqalə

Qurban Qurbanov “planetin ən yaxşı 500 məşqçisi” siyahısında yer alıb