İranın Olimpiya mükafatçısı olan yeganə qadın idmançısı ölkədən qaçdı

Taekvondo üzrə Olimpiya oyunlarının mükafatçısı, əslən azərbaycanlı olan Kimiya Əlizadə İranı tərk edib.

“Qafqazinfo” xəbər verir ki, bu barədə o, İnstaqram səhifəsində yazıb. Kimiya “ölkəsində əzilən milyonlarla qadından biri” olduğunu qeyd edərək Avropaya getdiyini bildirib. Onun sözlərinə görə, idman məmurları tərəfindən istismar olunub:

“Onlar məni hara istəyirlər göndərdilər. Nəyi dedilər, onu geyindim. Onların hər bir təklifini təkrarladım. Biz onlar üçün alət olmaqdan başqa heç bir məna kəsb etmirdik.

İran hökuməti medallarıma görə sevinirdi, ancaq seçdiyim idman növünə görə tənqid edirdi. Mən dünyadan taekvondo, təhlükəsizlik və xoşbəxt həyatdan başqa heç nə istəmirəm. Mən korrupsiya və yalan üzərində qurulmuş pillələri qalxmaq istəmirəm”.

İranın “İSNA” agentliyinin məlumatına görə, Kimiya Niderlanda gedib.

Qeyd edək ki, Əlizadə 2016-cı ildə Rio-de-Janeyroda keçirilmiş Olimpiya oyunlarında medal qazanmış yeganə İran idmançısı olub.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

İran vurulan tәyyarәyə görə 150 milyon dollar ödәyәcәk

Sonrakı məqalə

Ermənistan gecə cəbhə xəttində atəşkəsi 24 pozub