Tehran İsrailin Yaxın Şərq regionunda növbəti böhran dövrü yaratmasına icazə verməyəcək.
Azpost.info xəbər verir ki, bunu İranın Moskvadakı səfiri Kazem Cəlali bildirib.
“İran İslam Respublikası İsrailin regionda yeni zorakılıq və böhran dövrünü tətbiq etməsinə icazə verməyəcək. İsrail rejimi illüziyalar dünyasında yaşayır. Bu rejim bütün humanitar və beynəlxalq normaları pozur”, – Cəlali deyib.
Səfirin sözlərinə görə, bu kontekstdə Qərb ölkələrinin davranışı təəccüb doğurur: “Bu ölkələr Qəzza zolağında baş verən soyqırıma asanlıqla susur, Livan və Suriyadakı hücumlara və qətllərə cavab vermir, diplomatik mərkəzlərə hücumlara və rejimin törətdiyi qətllərə məhəl qoymurlar, lakin İranın qanuni müdafiəsini yekdilliklə pisləyirlər”.
Azpost.info
