Qəzza zolağından İsrailin cənubuna endirilən raket zərbələri nəticəsində iki israilli həlak olub.
Bu barədə İsraili Xarici İşlər nazirliyi məlumat yayıb.
“Aşkelona Qəzza zolağından atılan raketlər nəticəsində İsrailin iki mülki vətəndaşı həlak olub”, – İsrail Xarici İşlər Nazirliyinin rəsmi “Telegram” kanalında dərc edilən açıqlamada qeyd olunub.
Məlumatda həmçinin qeyd olunur ki, Qəzza sektorundan İsrail ərazisinə 150-yə yaxın raket atılıb, onların çoxu “Dəmir Günbəz” hava hücumundan müdafiə sistemi tərəfindən zərəsizləşdirilib.
