Çeçenistan lideri Ramzan Kadırov bacısı oğlu Adəm Çerxiqovu nəqliyyat, rabitə və rəqəmsal inkişaf naziri tətin edib.
Azpost.info xəbər verir ki, bu barədə Kadırovun özü Teleqram kanalında məlumat verib.
“Adəm komandanın layiqli üzvüdür. Gənc olmasına baxmayaraq, o, rəhbər vəzifələrdə böyük təcrübəyə və nazirliyin qarşısında duran vəzifələri səmərəli şəkildə yerinə yetirmək üçün lazımi peşəkar bacarıqlara malikdir”, – Kadırov yazıb.
Buna qədər nəqliyyat, rabitə və rəqəmsal inkişaf naziri postunu Adəmin atası, 57 yaşlı Ramzan Çerxiqov tutub. Adam Çerxiqov əvvəllər Çeçenistan hökumətinin məktəbəqədər təhsil komitəsinə rəhbərlik edib.
Adəmin anası Çeçenistan rəhbərinin bacısı Zərgan Kadırovadır. Ümumilikdə Çeçenistan hökumətindəki 23 vəzifədən doqquzunu Kadırovun qohumları tutur.
Azpost.info
