Kreml Azərbaycan-Ermənistan sərhədindəki vəziyyəti şərh etdi

20 İyul 2020 - 14:57

“Münaqişənin tez bir zamanda həllinə ümid edirik”.

“Report” “RİA Novosti”yə istinadən xəbər verir ki, bunu Rusiya prezidentinin mətbuat katibi Dmitri Peskov söyləyib.

“Bilirsiniz, Moskvada, ümumiyyətlə Rusiyada xeyli sayda azərbaycanlı və erməni yaşayır. Onların hamısı Rusiyanın nümunəvi vətəndaşlarıdır. Mən miqrantlardan savayı məhz Rusiya Federasiyasının vətəndaşlarını nəzərdə tuturam. Onların hamısı bizim cəiyyətimizin hörmətli üzvləridirlər. Ermənistan-Azərbaycan sərhədində münaqişənin alovlanması bu vətəndaşları biganə qoymadığı açıq-aşkardır və sözsüz ki, onlar bu hadisələrə emosional reaksiya verirlər”, – D.Peskov bildirib.