“Ukrayna prezidenti Vladimir Zelenskinin Krımın qaytarılması ilə bağlı bəyanatları Kiyevin münaqişədən qeyri-hərbi üsullarla çıxmaq istəmədiyini göstərir”.
Azpost.info xəbər verir ki, bunu Rusiya prezidentinin mətbuat katibi Dmitri Peskov bildirib.
“Bu cür bəyanatlar bir daha Ukrayna tərəfinin problemi qeyri-hərbi üsullarla həll etməyə hazır olmamasından və bunu istəməməsindən xəbər verir”, – Peskov deyib.
“Financial Times” qəzetinə müsahibəsində Vladimir Zelenski deyib ki, əgər kimsə Ukraynaya Krımın qeyri-hərbi yolla öz tərkibinə qaytarılmasını təklif etməyə hazırdırsa, o, bunun tərəfdarı olacaq. Eyni zamanda o vurğulayıb ki, Ukrayna itirilmiş bütün ərazilərini geri qaytarmaqda qərarlıdır.
Azpost.info
