KTMT Qırğızıstan-Tacikistan sərhədində atəşkəsə, həmçinin sülh danışıqlarına çağırıb.
Azpost.info xəbər verir ki, KTMT həmçinin Qırğızıstan və Tacikistanın sərhəd xidmətləri arasında danışıqların başlanmasını alqışlayıb.
“KTMT katibliyi vəziyyəti diqqətlə izləyir və ümid edir ki, hazırda yaradılmış barışıq uzunmüddətli və davamlı olacaq. Münaqişə danışıqlar masası arxasında sülh yolu ilə həll edilməlidir, insan ölümünə artıq yol vermək olmaz”, – təşkilatın bəyanatında deyilir.
Sentyabrın 14-də Qırğızıstan-Tacikistan sərhədində toqquşmalar başlayıb. Qırğızıstanın Batken vilayətində fövqəladə vəziyyət rejimi tətbiq edilib. Qırğızıstanın Səhiyyə Nazirliyinin məlumatına görə, iki gün davam edən döyüşlər zamanı 24 nəfər həlak olub, 103 nəfər yaralanıb. Tacikistan itkilər barədə məlumat verməyib.
Sentyabrın 16-da Tacikistanın sərhəd xidməti Qırğızıstan hərbçilərinin atəşkəs tələblərini pozması barədə məlumat yayıb. Oxşar ittihamları Qırğızıstan hakimiyyəti də səsləndirib. Qırğızıstanın sərhəd xidməti bu gün səhər iki dəfə Tacikistandan atəş açıldığını bildirib.
Azpost.info
