Tez-tez xəbərlərdə sahibsiz itlərin insana hücumu ilə bağlı xəbərlər yer alır. Heç kim bundan sığortalanmayıb. Buna görə də belə vəziyyətlərdə davranış qaydalarını bilmək vacibdir. Ola bilsin ki, bu bilik bir gün sənin və ya başqasının həyatını xilas etməyə kömək edəcək.
Sahibsiz itlər niyə insanlara hücum edir?
Kinoloqlar küçə itlərinin yoldan keçənlərlə aqressiv davranmasının bir neçə səbəbini sadalayır.
Oynamaq arzusu. Yəqin ki, itlərin aralarında cır-cındırı və ya kəndiri çəkməyi necə sevdiyini görmüsünüz. Eyni səbəbdən, onlar da pencəyinizdən yapışa bilərlər. Bu cür davranışın əsas təhlükəsi onun uşaqlara yönəldilməsidir. Onlar sahibsiz itlər üçün təhlükə yaratmır. Bundan əlavə, onlar tez-tez qaçaraq əllərini yelləyirlər, bu da uşağı itlər üçün əsl “oyuncaq” edir. Təbii ki, bu çox təhlükəlidir.
Nəslin və ərazinin qorunması. İtlərin öz balalarını gizlətdikləri ərazinin sərhədlərini keçsəniz, onlar hücum edə bilər. Hətta siz onlara real təhlükə deyil, sadəcə yaxınlıqdan keçərkən belə itlər balalarına təhlükə yarandğını duya bilərlər.
Travmatik təcrübə. Ola bilsin it, hətta bütöv bir dəstə onlara edilmiş keçmiş zorakılığa görə insana hücum edir. O zaman yaxınlaşan hər kəs qorxu ilə aqressiya göstərən sahibsiz itlərin hücumuna məruz qala bilər.
Özünüzü bir sürü itin hücumundan necə qorumaq olar: Davranış qaydaları
Sakit ol. Əgər sizə it dəstəsinin yaxınlığından keçmək lazım gəlibsə tələsməyin və onları dağıtmağa çalışmayın. İt sizə bir az da yaxınlaşsa belə, sakitcə yoluna davam edin. Heç bir halda yüksək səslər çıxarmamalı, qollarınızı yelləməməli və ya qaçımağa çalışmamlısınız. Bu, dəstəni hücuma təhrik edə bilər.
Sahibsiz itin hücumunun qarşısını almaq mümkün deyilsə və onlar açıq-aydın dişləmək niyyəti ilə yaxınlaşırlarsa, qorxunuzun öhdəsindən gəlməyə çalışın və qurban kimi davranmayın. Əks halda, itlərin ov instinkti işə düşə bilər. Əgər qaçmağa və ya arxanızı çevirməyə çalışsanız, qurbanı daha da aqressiv təqib edəcəklər. Sadəcə dayanmağa və bir neçə saniyə hərəkət etməməyə çalışın. Bəlkə də dəstə sadəcə hürəcək və reaksiya görmədən geri çəkiləcək. Küçə itləri həqiqətən hücum edirsə, qurban yox, əksinə, özünüzü güclü rəqib kimi göstərməlisiniz. Ayağınızı yerə möhkəm vurun, mümkün qədər qorxulu səslə qışqırın: “Olmaz!” Fu!” Köpəklər komandaları bilməsələr belə, hədələyici ton onları geri çəkilməyə vadar edəcək. Eyni zamanda, qollarınızı yelləməyin.
Sahibsiz itlərin hücumuna məruz qalma təhlükəniz varsa, sübut edilmiş həyati hiylədən istifadə etməyi məsləhətdir. Onlar sizə ilk yaxınlaşdıqda, özünüzü elə göstərin ki, guya yerdən bir şey götürürsünüz. Eyni zamanda üzünüzü onlara tərəf çevirin və onların hərəkətlərinə baxın. Əgər həqiqətən də yolda daş varsa, onu qorunmaq üçün götürə bilərsiniz. Bununla belə, hamar asfaltda olsanız belə, sadəcə görünüş yaratmaq üçün bunu edin. Küçə itləri instinktiv olaraq sizin əlinizdə onlara atmaq üçün təhlükəli bir şeyin olduğunu düşünəcəklər. Tədricən sürüdən uzaqlaşaraq bunu bir neçə dəfə təkrarlaya bilərsiniz. Eyni zamanda, onlara arxanızı çevirməyin.
Sahibsiz itlərin hücumlarının qarşısının alınması ilə bağlı bütün bu məsləhətlər təhlükəli vəziyyətdə özünüzü qorumağa kömək edəcəkdir. Övladlarınıza, qohumlarınıza və hətta sadəcə tanışlarınıza faydalı məlumatları söyləməyi unutmayın. Bu cür biliklər həyatı xilas edir.
Azpost.info
