Mbappe
İspaniyanın “Real Madrid” klubunun futbolçusu Kilian Mbappe unikal nailiyyətə imza atıb.
AZƏRTAC xarici mətbuata istinadən xəbər verir ki, fransalı hücumçu buna “Barselona” ilə ötən gecə keçirilən “El Klasiko” (2:1) matçında nail olub.
Forvard rəqib qapısına 12-ci qolunu vurmaqla kataloniyalılara qarşı ən məhsuldar oyunçulardan biri kimi tarixə düşüb. O, bunu cəmi 9 qarşılaşmada bacarıb.
XXI əsrdə “Barselona”nın qapısına Mbappedən daha çox qol vuran yalnız iki futbolçu var. Onun həmyerlisi Kərim Benzema Kataloniya təmsilçisinə qarşı 46 oyunda 16, portuqaliyalı Kriştianu Ronaldu isə 34 görüşdə 20 dəfə fərqlənib.
