Hollivud aktrisası Merilin Monronun məzarı yanında yerləşən qəbir yeri hərracda 195 min dollara satılıb.
Azpost.info “PA Media”ya istinadən yazır.
Los-Ancelesdəki Vestvud kəndində yerləşən məqbərə “Beverly Hills” texnoloji investoru Entoni Ceybins tərəfindən satın alınıb. O, deyib ki həmişə Merilin Monroya yaxın olmağı xəyal edib.
Məzarlıqda yerləşən məqbərəni alan Entoni Ceybins həmişə həyatının qalan hissəsini Merilin Monronun yanında keçirmək arzusunda olduğunu eiraf edib. O, həmçinin Julien auksionunda Hefnerin dəyirmi çarpayısını və Merilin Monronun çimərlik paltarını da aldığını bildirib.
