Rusiya prezidenti Vladimir Putin Almaniyanın keçmiş kansleri Angela Merkelin Minsk razılaşmalarının Kiyevə güclənməsi üçün vaxt vermək cəhdi olduğuna dair sözlərini gözləmədiyini və məyus olduğunu bildirib.
Azpost.info xəbər verir ki, Putinin sözlərinə görə, deyilənlər Rusiyanın əslində hər şeyi düzgün etdiyini göstərir.
“Düzünü desəm, mənim üçün tamamilə gözlənilməz oldu. Məyus oldum. Federal kanslerdən bunu eşitməyi gözləmirdim. O, Ukraynanın tərəfində idi. Amma mənə elə gəlirdi ki, rəhbərlik həmişə bizim razılaşdığımız prinsiplər, o cümlədən Minsk prosesi çərçivəsində səmimiyyətlə işləyib. Deyilənlər yalnız onu göstərir ki, biz hər şeyi düzgün etdik”, – Putin qeyd edib.
Azpost.info
