Minsk Qrupunun amerikalı həmsədri Azərbaycana gəlir

08 Dekabr 2020 - 23:17

ATƏT-in Minsk Qrupunun həmsədri Endryu Şofer Dağlıq Qarabağa dair məsləhətləşmələr üçün Bakı və Yerevana səfər edəcək.

Bunu çərşənbə axşamı ABŞ Dövlət katibinin Avropa və Avrasiya məsələləri üzrə köməkçisi vəzifəsini icra edən Filip Riker Avropada Təhlükəsizlik və Əməkdaşlıq Komissiyasının (Helsinki Komissiyası) üzvləri üçün brifinqdə çıxış edərkən deyib.

Onun sözlərinə görə, Vaşinqton Azərbaycan və Ermənistanı ATƏT-in Minsk Qrupunun həmsədrliyi formatında Qarabağ münaqişəsinin həllinə çağırmaqda davam edir. Bununla yanaşı, Riker Şoferin səfər müddətini dəqiqləşdirməyib.

Eyni zamanda qeyd edilib ki, A.Şofer Gürcüstanla bağlı danışıqlar üçün Cenevrəyə də gedəcək.