Moskvada MDB Hökumət Başçıları Şurasının iclası keçiriləcək

- Bu tarixdə
24 Oktyabr 2019 - 15:05

MDB Hökumət Başçıları Şurasının növbəti iclası sabah Moskvada keçiriləcək.

APA-nın xəbərinə görə, iclasın gündəliyinə bir neçə məsələ daxildir.

İclas zamanı hökumət başçıları məhdud tərkibdə MDB formatında iqtisadi əməkdaşlıq sahəsində aktual məsələlərlə bağlı qarşılıqlı fikir mübadiləsi aparacaqlar.

Geniş tərkibdə isə hökumət başçıları rəqəmsal inkişaf sahəsində MDB-yə üzv dövlətlərin konsepsiyasının reallaşdırılması və informasiya təhlükəsizliyinin təmin edilməsi strategiyası və digər məsələləri müzakirə edəcəklər.

İclas çərçivəsində bir sıra sahələr üzrə sənədlərin imzalanması gözlənilir.