İranın yeni ali rəhbəri Müctəba Xameneyi müharibənin əvvəlində atasının öldürüldüyü hava zərbəsi zamanı aldığı ağır üz və ayaq xəsarətlərindən hələ də müalicə alır.
Bu barədə “Reuters“ Agentliyinə yaxın mənbələrdən bildirilib.
Qeyd edilib ki, Tehranın mərkəzində ali rəhbərin iqamətgahına edilən hücum zamanı Xameneyinin üzü ciddi şəkildə zədələnib, həmçinin onun bir və ya hər iki ayağında ağır xəsarət qeydə alınıb.
Vurğulanıb ki, buna baxmayaraq 56 yaşlı Xameneyi aldığı xəsarətlərdən sağalmaqdadır və mənbələrin bildirdiyinə görə, zehni baxımdan ayıq qalır.
“Həssas məsələ ilə bağlı danışdıqları üçün adlarının açıqlanmasını istəməyən şəxslərin sözlərinə görə, o, yüksək vəzifəli rəsmilərlə audio-konfrans vasitəsilə iclaslarda iştirak edir və müharibə, eləcə də Vaşinqtonla danışıqlar da daxil olmaqla əsas qərarların qəbulunda rol oynayır”, – məlumatda deyilib.
