Litva hakimiyyəti ölkədəki ruslara sorğu anketləri göndərir və onların əsasında onların milli təhlükəsizliyə təhdid olub-olmaması barədə qərar verir.
Azpost.info xəbər verir ki, bu barədə “Euronews” məlumat yayıb.
Anketlərdə Daxili İşlər Nazirliyi yanında Miqrasiya Departamenti Krımın kimə məxsus olduğunu soruşur və Ukraynadakı müharibə ilə bağlı fikir bildirməyi xahiş edir.
Departament “Euronews”a ötən il Litvada yaşayan 38 rusiyalının yaşayış icazəsinin ləğv edildiyini göstərən məlumatlar təqdim edib. Bu il hakimiyyət orqanları, onların fikrincə, Ukraynada işğalçılıq müharibəsi aparan Rusiyanın hərəkətlərini dəstəkləyənlərin müəyyən edilməsi istiqamətində işi gücləndirib. Artıq 97 nəfər yaşayış icazəsini itirib.
Beləliklə, müharibə başlayandan bəri 135 rus Litvada yaşamaq imkanını itirib.
Departament “Euronews”un sorğusuna cavab olaraq bildirib ki, Litvada yaşamaq hüququ bir neçə səbəbə görə ləğv edilə bilər. Məsələn, əcnəbi çox ağır cinayət törədibsə, milli təhlükəsizliyə təhdid yaradırsa.
Azpost.info
